You should setup NX Bar properly

ಚೀನಾ ಫೋನ್ ಬೇಡವೇ? ನಿಮಗಾಗಿ ನೋಕಿಯಾ ಲಾಂಚ್ ಮಾಡಿದೆ ಹೊಸ ಫೋನ್‌ಗಳು!

ನೋಕಿಯಾ 5.3 ಮತ್ತು ನೋಕಿಯಾ C 3 ಸ್ಮಾರ್ಟ್‌ಫೋನ್‌ಗಳನ್ನು HMD ಗ್ಲೋಬಲ್ ಭಾರತದಲ್ಲಿ ಬಿಡುಗಡೆ ಮಾಡಿದೆ. ದೇಶದಲ್ಲಿ ಕೊನೆಯ ನೋಕಿಯಾ ಸ್ಮಾರ್ಟ್‌ಫೋನ್ ಬಿಡುಗಡೆಯಾದ ಎಂಟು ತಿಂಗಳ ನಂತರ ಫಿನ್ನಿಷ್ ಕಂಪನಿಯು ಹೊಸ ಫೋನ್‌ಗಳನ್ನು ಪರಿಚಯಿಸಿದೆ. ಈ ಎರಡೂ ಫೋನ್‌ಗಳು ಸ್ಟಾಕ್ ಆಂಡ್ರಾಯ್ಡ್ ಅನುಭವದೊಂದಿಗೆ ಬರುತ್ತವೆ.

ನೋಕಿಯಾ 5.3 ಬೆಲೆ:

ಭಾರತದಲ್ಲಿ ನೋಕಿಯಾ 5.3 ಎರಡು ಮಾದರಿಯಲ್ಲಿ ಲಾಂಚ್ ಆಗಿದೆ.

  • 4 GB + 64 GB ಸ್ಟೋರೇಜ್ ರೂಪಾಂತರ ರೂ. 13,999ಕ್ಕೆ ಮಾರಾಟವಾಗಲಿದೆ.
  • 6 GB + 64 GB ಸ್ಟೋರೇಜ್ ಆಯ್ಕೆಯು ರೂ. 15,499ಕ್ಕೆ ಲಭ್ಯವಿರಲಿದೆ.

ಈ ಫೋನ್ ಸಯಾನ್, ಸ್ಯಾಂಡ್ ಮತ್ತು ಚಾರ್ಕೋಲ್ ಬಣ್ಣದ ಆಯ್ಕೆಗಳಲ್ಲಿ ಬರುತ್ತದೆ. ಇದು ಸೆಪ್ಟೆಂಬರ್ 1 ರಿಂದ ಖರೀದಿಗೆ ಸಿದ್ಧವಾಗಲಿದೆ. ಆದರೇ ಇಂದಿನಿಂದಲೇ ನೋಕಿಯಾ ಸೈಟ್ ಮೂಲಕ ಪ್ರೀ ಆರ್ಡರ್ ಮಾಡಬಹುದಾಗಿದೆ.

ನೋಕಿಯಾ 5.3 ಖರೀದಿಸುವ ಗ್ರಾಹಕರು ಜಿಯೋದಿಂದ ರೂ.4,000ದ ವರೆಗೂ ಪ್ರಯೋಜನವನ್ನು ಪಡೆಯಬಹುದಾಗಿದೆ.

ನೋಕಿಯಾ C 3 ಬೆಲೆ:

ಭಾರತದಲ್ಲಿ ನೋಕಿಯಾ C 3 ಎರಡು ಮಾದರಿಯಲ್ಲಿ ಲಾಂಚ್ ಆಗಿದೆ.

  • 2 GB + 16 GB ಶೇಖರಣಾ ರೂಪಾಂತರ ರೂ.7,499ಕ್ಕೆ ದೊರೆಯಲಿದೆ.
  • 3 GB + 32 GB ಶೇಖರಣಾ ಆಯ್ಕೆಯು ರೂ. 8,999ಕ್ಕೆ ಮಾರಾಟವಾಗಲಿದೆ.

ಸೆಪ್ಟೆಂಬರ್ 17 ರಿಂದ ಫೋನ್ ಖರೀದಿಗೆ ಲಭ್ಯವಿರುತ್ತದೆ, ಸೆಪ್ಟೆಂಬರ್ 10 ರಿಂದ ನೋಕಿಯಾ ಸೈಟ್ ಮೂಲಕ ಪ್ರೀ ಆರ್ಡರ್ ಮಾಡಬಹುದಾಗಿದೆ, ಇದು ಸಯಾನ್ ಮತ್ತು ಸ್ಯಾಂಡ್ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ ಮತ್ತು ಒಂದು ವರ್ಷದ ರಿಪ್ಲೇಸ್‌ಮೆಂಟ್ ಗ್ಯಾರಂಟಿಯೊಂದಿಗೆ ಬರುತ್ತದೆ.

ನೋಕಿಯಾ 5.3 ವಿಶೇಷಣಗಳು:

ಡ್ಯುಯಲ್-ಸಿಮ್ (ನ್ಯಾನೋ) ಹಾಕಿಕೊಳ್ಳಬಹುದಾದ ನೋಕಿಯಾ 5.3 ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ 10 ಸ್ಟಾಕ್ ಅನುಭವದೊಂದಿಗೆ ಕಾರ್ಯನಿರ್ವಹಿಸಲಿದೆ. 20: 9 ಆಕಾರ ಅನುಪಾತದೊಂದಿಗೆ 6.55-ಇಂಚಿನ HD + (720×1,600p) ಡಿಸ್‌ಪ್ಲೇಯನ್ನು ಹೊಂದಿದೆ. ಫೋನ್ ಆಕ್ಟಾ-ಕೋರ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 665 SoC ಯಿಂದ ನಿಯಂತ್ರಿಸಲ್ಪಡುತ್ತದೆ, ಇದು 6GB LPDDR4x RAM ನೊಂದಿಗೆ ಜೋಡಿಸಲ್ಪಟ್ಟಿದೆ.

ಫೋಟೋಗಳು ಮತ್ತು ವೀಡಿಯೊಗಳಿಗಾಗಿ, ನೋಕಿಯಾ 5.3 ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್ನೊಂದಿಗೆ ಬರುತ್ತದೆ, 13 ಮೆಗಾಪಿಕ್ಸೆಲ್ ಪ್ರೈಮರಿ ಸೆನ್ಸಾರ್ f/ 1.8 ಲೆನ್ಸ್ ಹೊಂದಿದೆ, ಜೊತೆಗೆ 5 ಮೆಗಾಪಿಕ್ಸೆಲ್ ಸೆಕೆಂಡರಿ ಸೆನ್ಸಾರ್ ಜೊತೆಗೆ ಅಲ್ಟ್ರಾ-ವೈಡ್-ಆಂಗಲ್ 118 ಡಿಗ್ರಿ ಲೆನ್ಸ್ ಹೊಂದಿದೆ . 2 ಮೆಗಾಪಿಕ್ಸೆಲ್ ಡಿಪ್‌ ಸೆನ್ಸರ್ ಮತ್ತು 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಶೂಟರ್ ಅನ್ನು ಸಹ ಒಳಗೊಂಡಿದೆ, ಎಲ್ಇಡಿ ಫ್ಲ್ಯಾಷ್ ಜೊತೆಗೆ ಇದೆ.

ಸೆಲ್ಫಿಗಳಿಗಾಗಿ ನೋಕಿಯಾ 5.3 ಮುಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಸೆನ್ಸಾರ್ f/ 2.0 ಲೆನ್ಸ್ ಹೊಂದಿದೆ. ಫೋನ್ ಹಿಂಭಾಗದಲ್ಲಿ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಮತ್ತು ಮೀಸಲಾದ ಗೂಗಲ್ ಅಸಿಸ್ಟೆಂಟ್ ಬಟನ್‌ನೊಂದಿಗೆ ಬರುತ್ತದೆ. ಇದು 10W ಚಾರ್ಜಿಂಗ್ ಅನ್ನು ಬೆಂಬಲಿಸುವ 4,000mAh ಬ್ಯಾಟರಿಯನ್ನು ಹೊಂದಿದೆ.

ನೋಕಿಯಾ C 3 ವಿಶೇಷತೆಗಳು:

ಡ್ಯುಯಲ್ ಸಿಮ್ (ನ್ಯಾನೋ) ಹಾಕಿಕೊಳ್ಳಬಹುದಾದ ನೋಕಿಯಾ C 3 ಸ್ಮಾರ್ಟ್‌ ಫೋನ್ ಆಂಡ್ರಾಯ್ಡ್ 10 ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು 5.99-ಇಂಚಿನ HD + IPS ಡಿಸ್ಪ್ಲೇ ಹೊಂದಿದೆ. ಇದು ಆಕ್ಟಾ-ಕೋರ್ ಯುನಿಸಾಕ್ SC9863A SoC ಯಿಂದ ನಿಯಂತ್ರಿಸಲ್ಪಡುತ್ತದೆ, ಇದು 3GB RAM ವರೆಗೆ ಜೋಡಿಸಲ್ಪಟ್ಟಿದೆ. ಫೋನ್ ಹಿಂಭಾಗದಲ್ಲಿ f/ 2.0 ಆಟೋಫೋಕಸ್ ಲೆನ್ಸ್ ಮತ್ತು LED ಫ್ಲ್ಯಾಷ್ನೊಂದಿಗೆ ಒಂದೇ 8 ಮೆಗಾಪಿಕ್ಸೆಲ್ ಸೆನ್ಸಾರ್ ಹೊಂದಿದೆ. ಸೆಲ್ಫಿಗಳಿಗಾಗಿ ಮುಂಭಾಗದಲ್ಲಿ 5 ಮೆಗಾಪಿಕ್ಸೆಲ್ ಸೆನ್ಸಾರ್ ನೀಡಲಾಗಿದೆ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: