ಟ್ರಂಪ್ ವಿರೋಧ ಕಟ್ಟಿಕೊಂಡು ಟಿಕ್ ಟಾಕ್ ಖರೀದಿಸಲಿದೆ ಮೈಕ್ರೋಸಾಫ್ಟ್…!!

ಭಾರತದ ಸೇರಿದಂತೆ ವಿಶ್ವದ ಅನೇಕ ರಾಷ್ಟ್ರಗಳಲ್ಲಿ ಟ್ರೆಂಡ್ ಹುಟ್ಟಿಹಾಕಿರುವ ಟಿಕ್‌ಟಾಕ್‌, ಸದ್ಯ ಅಮೆರಿಕಾದಲ್ಲಿ ಹೆಚ್ಚು ಸದ್ದು ಮಾಡುತ್ತಿದೆ. ಆದರೆ ಚೀನಾ ಅಮೆರಿಕಾದ ನಡುವಿನ ಹದಗೆಟ್ಟಿರುವ ಬಾಂಧವ್ಯದಿಂದಾಗಿ ಹೆಚ್ಚು ಸಂಕಷ್ಟಕ್ಕೆ ಸಿಲುಕಿದೆ. ಇದೇ ಸಂದರ್ಭದಲ್ಲಿ ಹೊಸದೊಂದು ವಿಷಯವು ಹೊರಬಂದಿದೆ.

ಚೀನಾ ಮೂಲದ ತಂತ್ರಜ್ಞಾನ ಕಂಪನಿ ಬೈಟ್ ಡ್ಯಾನ್ಸ್ ಮಾಲೀಕ್ವತದ ಸಾಮಾಜಿಕ ಅಪ್ಲಿಕೇಶನ್ ಟಿಕ್‌ ಟಾಕ್ ಅನ್ನು ಅಮೆರಿಕ ಮೂಲಕದ ಮೈಕ್ರೋಸಾಫ್ಟ್ ಕಂಪನಿಯೂ ಖರೀದಿಸಲಿದೆ ಎನ್ನಲಾಗಿದ್ದು, ಈಗಾಗಲೇ ಒಂದು ಸುತ್ತಿನ ಮಾತುಕತೆಯೂ ನಡೆದಿದೆ.

ಈ ಕುರಿತು ಹೇಳಿಕೆಯನ್ನು ನೀಡಿರುವ ಮೈಕ್ರೋಸಾಫ್ಟ್ ಸೆಪ್ಟೆಂಬರ್ 15ರ ವೇಳೆಗೆ ಮಾತುಕತೆಗಳನ್ನು ಮುಕ್ತಾಯಗೊಳಿಸಲು ಉದ್ದೇಶಿಸಿದೆ ಎಂದು ತಿಳಿಸಿದೆ.

ಚೀನಾದ ಕಂಪನಿ ಬೈಟ್ ಡ್ಯಾನ್ಸ್ ಒಡೆತನದ ಆ್ಯಪ್ ಅನ್ನು ಸ್ವಾಧೀನಪಡಿಸಿಕೊಳ್ಳಲು ಮೈಕ್ರೋಸಾಫ್ಟ್ ಆಸಕ್ತಿ ಹೊಂದಿದೆ ಎಂದು ಸಿಎನ್‌ಬಿಸಿ ಸೇರಿದಂತೆ ಮಾಧ್ಯಮಗಳು ವರದಿ ಮಾಡಿದ ಎರಡು ದಿನಗಳ ನಂತರ ಈ ಹೇಳಿಕೆ ಬಂದಿದೆ.

ವರದಿಗಳು ಹೊರಬಂದ ಕೂಡಲೇ, ಅಧ್ಯಕ್ಷ ಟ್ರಂಪ್ ಅವರು ಮೈಕ್ರೋಸಾಫ್ಟ್ ಟಿಕ್ ಟಾಕ್ ಖರೀದಿಸುವ ಆಲೋಚನೆಯನ್ನು ವಿರೋಧಿಸಿದ್ದಾರೆ ಮತ್ತು ಅಮೆರಿಕಾದಲ್ಲಿ ಅಪ್ಲಿಕೇಶನ್ ಅನ್ನು ನಿಷೇಧಿಸಲು ಮುಂದಾಗುವುದಾಗಿ ಎಂದು ಹೇಳಿಕೆ ನೀಡಿದ್ದಾರೆ.

ಇದನ್ನು ಓದಿ: ಮೊಬೈಲ್‌ನಲ್ಲೇ ಇಯರ್ ಬಡ್ ಇಡುವ ವಿನ್ಯಾಸ: ಶಿಯೋಮಿಗೆ ಪೆಟೆಂಟ್

ಅಮೆರಿಕ, ಕೆನಡಾ, ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಟಿಕ್‌ಟಾಕ್ ಅನ್ನು ಖರೀದಿಸುವ ಬಗ್ಗೆ ಮೈಕ್ರೋಸಾಫ್ಟ್ ಗಮನಹರಿಸಿವೆ ಮತ್ತು ಇತರ ಅಮೆರಿಕನ್ ಹೂಡಿಕೆದಾರರಿಗೆ ಸ್ವಾಧೀನದಲ್ಲಿ ತೊಡಗಿಸಿಕೊಳ್ಳುವ ಸಾಧ್ಯತೆ ಇದೆ ಎಂದು ಮೈಕ್ರೋಸಾಫ್ಟ್ ಹೇಳಿದೆ. ಈ ಕುರಿತು ಸಿಇಒ ಸತ್ಯ ನಾಡೆಲ್ಲಾ ಅವರು ಟ್ರಂಪ್ ಅವರೊಂದಿಗೆ ಮಾತನಾಡಿದ್ದಾರೆ. ಆದರೆ ಕಂಪನಿಯು ಒಪ್ಪಂದದ ನಿಯಮಗಳನ್ನು ಬಹಿರಂಗಪಡಿಸಿಲ್ಲ.

ಟಿಕ್‌ಟಾಕ್ ಬಳಕೆದಾರರಿಗೆ ವಿಶ್ವ ದರ್ಜೆಯ ಸುರಕ್ಷತೆ, ಗೌಪ್ಯತೆ ಮತ್ತು ಡಿಜಿಟಲ್ ಸುರಕ್ಷತಾ ರಕ್ಷಣೆಗಳನ್ನು ಸೇರಿಸಲು ಪ್ರಯತ್ನಿಸುವುದಾಗಿ ಮೈಕ್ರೋಸಾಫ್ಟ್ ಹೇಳಿಕೆ ನೀಡಿದೆ. “ಸೇವೆಯ ಕಾರ್ಯಾಚರಣಾ ಮಾದರಿಯನ್ನು ಬಳಕೆದಾರರಿಗೆ ಪಾರದರ್ಶಕತೆ ಮತ್ತು ಈ ದೇಶಗಳಲ್ಲಿನ ಸರ್ಕಾರಗಳ ಸೂಕ್ತ ಭದ್ರತಾ ಮೇಲ್ವಿಚಾರಣೆಯನ್ನು ಖಚಿತಪಡಿಸಿಕೊಳ್ಳಲು ನಿರ್ಮಿಸಲಾಗುವುದು” ಎಂದು ತಿಳಿಸಿದೆ.

ಟಿಕ್‌ಟಾಕ್ ಬಳಕೆದಾರರ ಡೇಟಾ ದೇಶದಲ್ಲಿದೆ ಎಂದು ಖಚಿತಪಡಿಸಿಕೊಳ್ಳುವುದಾಗಿ ಮೈಕ್ರೋಸಾಫ್ಟ್ ಹೇಳಿದೆ ಮತ್ತು ಬೇರೆಡೆ ಸಂಗ್ರಹವಾಗಿರುವ ಡೇಟಾವನ್ನು ಸ್ಥಳಾಂತರಿಸಿದ ನಂತರ ಅಳಿಸಲಾಗುತ್ತದೆ. ಅಮೆರಿಕಾದಲ್ಲಿನ ಬಳಕೆದಾರರ ಡೇಟಾವನ್ನು ಅಮೆರಿಕಾದಲ್ಲಿಯೇ ಸಂಗ್ರಹಿಸಲಾಗಿದೆ ಎಂದು ಟಿಕ್‌ಟಾಕ್ ವಕ್ತಾರರು ತಿಳಿಸಿದ್ದಾರೆ.

ಬೈಟ್‌ಡ್ಯಾನ್ಸ್ 2017 ರಲ್ಲಿ ಚೀನಾದ ಮುಖ್ಯಭೂಮಿಯ ಹೊರಗೆ ಟಿಕ್‌ಟಾಕ್ ಅನ್ನು ಪರಿಚಯಿಸಿತು. ತಿಂಗಳುಗಳ ನಂತರ ಬೈಟ್‌ಡ್ಯಾನ್ಸ್ ಮ್ಯೂಸಿಕಲ್.ಲಿ ಎಂಬ ಪ್ರತ್ಯೇಕ ಸಾಮಾಜಿಕ-ಮಾಧ್ಯಮ ಅಪ್ಲಿಕೇಶನ್ ಅನ್ನು ಸ್ವಾಧೀನಪಡಿಸಿಕೊಂಡಿತು, ಫೇಸ್‌ಬುಕ್ 2016 ರಲ್ಲಿ Musical.ly ಖರೀದಿಸಲು ಪ್ರಯತ್ನಿಸಿತ್ತು ಎಂದು ವರದಿಯಾಗಿದೆ. ಅಲ್ಲದೇ ಸದ್ಯ ಭಾರತದಲ್ಲಿಯೂ ನಿಷೇಧಕ್ಕೆ ಗುರಿಯಾಗಿದೆ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: